Italiako Giroa
14. etapa
Asgreenek erakustaldia eman du eroriko handi batek markatutako etapan
EITB MEDIA
23 kilometroren faltan, 10 txirrindulariko erorikoa izan da, besteak beste, Pello Bilbao, Mads Pedersen eta Giulio Ciccone.
-
Kasper Asgreen etapa bukaeran. Agazkia: EFE
Informazio gehiago (1)
Kasper Asgreen (EF Education) danimarkarrak Treviso eta Nova Gorica (195 km) arteko ibilbidearen azken 40 kilometroak gidatu ditu larunbat honetan, eta indartsu jarraitu du azken kilometroetan erasoa jo eta 2025eko Italiako Giroko 14. etapa bakarrik irabazteko. Kaden Grovesek (Alpecin) eta Olav Kooijek (Team Visma) osatu dute podiuma.
Isaac del Toro (UAE) mexikarrak jarraitzen du sailkapen nagusian lider izaten. Irabazlearengandik gutxira zeharkatu du helmuga, eta 48 segundo gehiago atera dizkie aurkari zuzenei Primoz Roglic (Red Bull BORA) esloveniarra eta Juan Ayuso (UAE) espainiarra.
Kasper Asgreen (EF), Davy Clement (Groupama), Maestri Mirco (Polti) eta Martin Marcellusi (VF) txirrindulariek osatu dute eguneko ihesaldia. Frantziarra helmugarako 39 kilometroren faltan erori da, hirukotera joaten utziz.
Bien bitartean, INEOS Grenadiers taldeak gogor hartu du tropelaren burua, Roglicen taldearekin batera. Azken horrek jardunaldi diskretua izan du, Nico Denz alemanari tiratzen utziz.
23 kilometroren faltan, 10 txirrindulariko erorikoa izan da galtzada-harrizko bidean, besteak beste, Pello Bilbao (Bahrain), Mads Pedersen (Lidl) eta Giulio Ciccone (Lidl). Denak bizikletara igo ahal izan dira berriro, baina jada ez dute ezergatik borrokatzeko aukerarik izan.
Azken zazpi kilometroetan, Asgreen abenturara abiatu da, iheskideak atzean utzita, etapa eskuratzen saiatzeko. Bitartean, tropela gertu mantendu da, 15 segundora.
Danimarkarrak amaierara arte eutsi dio erritmoari eta eskuak bakarrik altxatu ditu Nova Goricako helmugan.
14. ETAPAKO SAILKAPENA
1.- ASGREEN Kasper (EF) 4:04:40
2.- GROVES Kaden (Alpecin) +0:16
3.- KOOIJ Olav (Visma) d. b.
4.- AULAR Orluis (Movistar) d. b.
5.- OLDANI Stefano (Cofidis) d. b.
6.- MAESTRI Mirco (Polti) d. b.
7.- GEE Derek (Israel) d. b.
8.- PIDCOCK Thomas (Q36.5) d. b.
9.- CARAPAZ Richard (EF) d. b.
10.- HONORÉ Mikkel Frølich (EF) d. b.
SAILKAPEN NAGUSIA
1.- DEL TORO Isaac (UAE) 50:37:55
2.- YATES Simon (Visma) +1:20
3.- AYUSO Juan (UAE) +1:26
4.- CARAPAZ Richard (EF) +2:07
5.- ROGLIC Primoz (Red Bull) +2:23
6.- GEE Derek (Israel) +2:54
7.- CARUSO Damiano (Bahrain) +2:55
8.- TIBERI Antonio (Bahrain) +3:02
9.- BERNAL Egan (INEOS) +3:38
10.- ARENSMAN Thymen (INEOS) +3:45
