Almeidak 7. etapa irabazi du, esprintean, eta aldea murriztu du sailkapen nagusian

Joao Ameida (UAE Team Emirates) portugaldarrak irabazi du, larunbat honetan, 2025eko Suitzako Tourreko zazpigarren etapa, 207 kilometroko ibilbidea izan duena, Neuhausen am Rheinfall eta Emmetten artean.

Sailkapen nagusiari dagokionez, Kevin Vauquelin Arkea-B & B Hotels taldeko txirrindulari frantziarrak jarraitzen du lider, eta 33 segundora du Joao Almeida (UAE) eta 41era Julian Alaphilippe (Tudor).

Almeidak (lasterketa irabazteko faborito nagusietako bat) tropel txiki batean nabarmenduta lortu du garaipena, azken 5 kilometroetan, besteak beste, Emmettengo igoera gogorra (3,9 kilometro, % 8,1eko maldarekin) gaindituta. Portugaldarrak kolpe erabakigarria eman du azken eraso batekin, denbora berean heldu diren Oscar Onley britainiarraren eta Vauquelinen aurretik helmugaratuta etapa irabazteko.

7. ETAPAKO SAILKAPENA

1 - ALMEIDA João (UAE) 4:38:26

2 - ONLEY Oscar (Picnic) d. b.

3 - VAUQUELIN Kévin (Arkéa) d. b.

4 - GALL Felix (Decathlon) + 0:04

5 - ALAPHILIPPE Julian (Tudor) + 0:08

6 - GROßSCHARTNER Felix (UAE) + 1:07

7 - BLACKMORE Joseph (Israel) d. b.

8 - VAN WILDER Ilan (Soudal) d. b.

9 - CHAMPOUSSIN Clément (Astana) d. b.

10 - KÄMNA Lennard (Lidl) d. b.

SAILKAPEN NAGUSIA

1 - VAUQUELIN Kévin (Arkéa) 29:00:55

2 - ALMEIDA Joao (UAE) + 0:33

3 - ALAPHILIPPE Julian (Tudor) + 0:41

4 - ONLEY Oscar (Picnic) + 1:19

5 - GALL Felix (Decathlon) + 2:28

6 - KAMNA Lennard (Lidl) + 2:55

7 - O'CONNOR Ben (Jayco) + 3:27

8 - CASTRILLO Pablo (Movistar) + 4:25

9 - VAN WILDER Ilan (Soudal) + 4:28

10 - CHAMPOUSSIN Clément (Astana) + 6:05