Valverde eta Froome, Romandiako Tourra irabazteko faborito nagusiak

Astearte honetan hasiko da Romandiako Itzuliaren 67. edizioa. Proba apirilaren 23tik 28ra jokatuko da, eta Alejandro Valverde eta Chris Froome dira faborito nagusiak. Ibilbide zorrotzari egin beharko dio aurre tropelak.

Atariko etapa ohi baino gogorragoa izango da, helmuga hirugarren mailako Mayens de Bruson egongo baita. Ondoren, birhurgune ugariko hiru etaparen ondoren, asteburuak erabakiko du proba. Larunbatean etapa nagusia korrituko da: 188 kilometro egin beharko dituzte txirrindulariek, eta  Les Mosses (lehen maila), Morgins (lehen maila),  La Croix (lehen maila), eta Les Diablerets gainditu.

Igandean 19 kilometroko erlojupekoa jokatuko da. eitb.com-ek eta ETB-1ek zuzenean eskainiko dute egunero etapa, 16:20etik aurrera.

Etapak:

                  Apirilaren 23an    Atarikoa  Erlojupekoa Le Châble-Bruson    7   km.

                  Apirilaren 24an   1. etapa  St-Maurice-Renens             176.4 km.

                  Apirilaren 25ean   2. etapa  Prilly-Granges                190.3 km.

                  Apirilaren 26an   3. etapa  Payerne                       181   km.

                  Apirilaren 27an    4. etapa  Marly-Les Diablerets          188.5 km.

                 Apirilaren 28an    5.etapa  Erlojupekoa Ginebra           18.7 km.

Azken irabazleak:
2012 Bradley Wiggins (GBR)                
2011 Cadel Evans (AUS)                   
2010 Simon Spilak (SLO)                
2009 Roman Kreuziger (CZE)                  
2008 Andreas Klöden (GER)               
2007 Thomas Dekker (NED)                  
2006 Cadel Evans (AUS)                  
2005 Santiago Botero (COL)                
2004 Tyler Hamilton (USA)                  
2003 Tyler Hamilton (USA)