Txirrindularitza
Junior mailan
Alex Aranburu, Espainiako txapeldun
Erredakzioa
Urrezko domina lortu du Murtzian egin den Espainiako Txapelketan. Emakumezkoetan Lierni Lekuonak brontzezko domina lortu du, eta emakumezkoen erlojupekoan Ziortza Isasi bigarren izan da.
Txirrindularitzako Euskal Selekzioak lan bikaina egin du junior mailako Espainiako Txapelketan. Alex Aranburu txapeldun izendatu da gizonezkoen mailako lasterkertan, eta taldearen lana ezin hobea izan da. Emakumezkoen mailan Ziortza Isasik zilarrezko domina lortu du erlojupeko proban, eta Lierni Lekuonak brontzeko domina eskuratu du lasterketan.
Aranburuk erasoa jotzeko uneari itxaron dio, eta bere taldekideen lanari esker urrezko domina eskuratzea lortu du. Txomin Juaristi eta Iosu Angoitia txirrindulariek gogotik egin dute lan Alex Aranbururentzat.
"Cortina era Enric Mas ziren faboritoak, baina aukera izan dudadenean erasoa jo dut, eta irabaztea lortu dut. Hasieran Juaristirekin joan naiz ihesaldian, ondoren Angoitita ere batu da, eta San Sebastian ere gurekin egon da. Azkenean bakarrik geratu naiz. Multzoan Torres zetorren, eta esprintera iritsiko bagina, badakit ez nuela irabazteko aukerarik edukiko. Orduan, urrunetik egin dut saiakera, eta irabaztea lortu dut", adierazi du Aranburuk.
Emakumezkoen lasterketan Lierni Lekuonak brontzezko domina lortu du, baina urrezko domina eskuratzea oso gertu izan du. "Ez nago guztiz pozik. Igoeran Alicia Gonzalezi (txapelduna) eusteko gai nintzela uste nuen, baina bera izan da indartsuena", azpimarratu du Lekuonak.
Erlojupekoan ere, urreak ihes egin zion Euskal Selekzioari. Alicia Gonzalez asturiarra txapeldun izendatu da, 89 ehunenekogatik. Ziortza Isasik zilarrezko domina lortu du. Gizonezkoen proban Ander Alonso izan da euskal txirrindularirik onena, zazpigarren bukatuta.
Gizonezkoak
-Erlojupekoa: Oskar Malatsetxebarria (1995), Txomin Juaristi (1995), Ander Alonso (1995)
-Lasterketa: Ander Alonso (1995), Iosu Angoitia (1995), Alex Aranburu (1995), Julen Irizar (1995), Txomin Juaristi (1995), Oskar Malatsetxebarria (1995), Mikel Matxinea (1995), Xabier San Sebastián (1995)
Emakumeznkoak
-Erlojupekoa: Olatz Agorria (1996), Ziortza Isasi (1995), Ane Iriarte (1995)
-Lasterketa: Olatz Agorria (1996), Ane Iriarte (1995), Ziortza Isasi (1995), Paula Lanz (1996), Lierni Lekuona (1995), Ainara Sanz (1995), Eider Unanue (1996).
