Itxi

Txirrindularitza

Tirreno-Adriatikoa (5. etapa)

Saganek bere bigarren etapa irabazi du; Quintanak lider jarraitzen du

Erredakzioa

Peter Saganek garaipena errepikatu du Tirreno-Adriatikoa lasterketan, esprintean Thibaut Pinot eta Primoz Roglic gaindituta.

Peter Sagan (Bora-Hansgrohe) eslovakiarrak irabazi du Tirreno-Adriatkoa lasterketako bosgarren etapa, 209 kilometro izan dituen Rieti eta Fermo artekoa. Nairo Quintanak (Movistar) lidergoari eutsi dio.

Munduko Txapeldunak bere bigarren etapa garaipena eskuratu du lasterketa honetan. Sagan esprintean nagusitu da Thibaut Pinoten (bigarren) eta Primoz Roglicen (hirugarren) aurretik.

Sailkapen nagusian Nairo Quintanak jarraitzen du lider. Thibaut Pinot da bigarren 50 segundora eta Rohan Dennis izan da hirugarren, liderrarengandik minutu bat eta sei segundora.