Txirrindularitza
Aurkezpen ofiziala
Mikel Landa, Quintanarekin eta Valverderekin batera, Frantziako Tourrera
Agentziak | eitb.eus
Gasteiztarra, Victor De La Parterekin eta Imanol Ervitirekin batera, Movistar Teameko euskal txirrindulariak dira. Jonathan Castroviejok (Sky) eta Gorka Izagirrek (Bahrain-Merida) ez dute jarraitzen.
Movistar Team taldeak bere hiru izarrekin izango da 2018ko Frantziako Tourreko irteeran. Gaur egin dute aurkezpen ofiziala Madrilen eta bertan Mikel Landa bere talde berriarekin aurkeztu da.
Beraz, Movistar, gasteiztarrarekin, Nairo Quintanarekin eta Alejandro Valverdrekin, Tourra irabazten saiatuko da. Eusebio Unzue kirol-zuzendariak aurreko urteko erronkak gainditu nahi dituztela esan du, 'gure helburu nagusiena Frantziako Tourra irabaztea da. Horretarako Landa, Quintana eta Valverde txirrindulariak eramango ditugu lasterketara. Jomuga hiruren artean lanak eta eginkizunak modu orekatuan banatzea izango da'.
Movistar Team Taldea
Andrey Amador, Winner Anacona, Jorge Arcas, Carlos Barbero, Daniele Bennati, Carlos Betancur, Nuno Bico, Richard Carapaz, Hector Carretero, Jaime Castrillo, Victor De La Parte, Imanol Erviti, Ruben Fernandez, Mikel Landa, Nelson Oliveira, Antonio Pedrero, Nairo Quintana, Dayer Quintana, Jose Joaquin Rojas, Jaime Roson, Eduardo Sepulveda, Marc Soler, Jasha Sutterlin, Rafael Valls eta Alejandro Valverde.
Fitxaketak: Mikel Landa, Rafael Valls, Eduardo Sepulveda, Jaime Roson eta Jaime Castrillo.
Ez dute jarraitzen: Jose Herrada eta Jesus Herrada (Cofidis), Jonathan Castroviejo (Sky), Gorka Izagirre (Bahrain-Merida), Rory Sutherland (UAE Team Emirates) eta Alex Dowsett (Katusha-Alpecin).
Emakumeen taldea
2018 denboraldiko berritasuna emakumeen taldea izango da. Hamar txirrindulari izango dira taldean eta helburua, gizonezkoetan bezala, zenbat eta garaipen eta podio gehiago lortzea izango da.
Taldea: Aude Biannic, Mavi Garcia, Alicia Gonzalez, Malgorzata Jasinska, Lorena Llamas, Eider Merino, Rachel Neylan, Lourdes Oyarbide, Gloria Rodriguez eta Alba Teruel.
