Txirrindularitza
Donostiako Klasikoa 2018
Alaphilippek irabazi du eroriko batek baldintzatutako Donostiako Klasikoa
Agentziak | Erredakzioa
Helmugarako 20 kilometrora erorikoa izan da tropelean. Ondorioz, Mikel Landa, Primoz Roglic, Gorka Izagirre, Tony Gallopin eta Egan Bernal, besteak beste, lasterketatik kanpo geratu dira.
Albisteak (3)
Julian Alaphilippe frantziarrak irabazi du Donostiako Klasikoa, Boulevarreko helmugako azken metroetan Bauke Mollema holandarrari gailenduta.
Lasterketak 229 kilometroko ibilbidea izan du eta zortzi mendate, lehen mailako Jaizkibelera bi igoera barne. Hala ere, lasterketa azken mendatean, Murgilen, erabaki da.
Helmugarako 20 kilometroren faltan, erorikoa izan da tropel nagusian eta hainbat faboritok lasterketa utzi behar izan du, min hartuta. Mikel Landa, Primoz Roglic, Gorka Izagirre, Tony Gallopin eta Egan Bernal erori dira, besteak beste.
Sky taldeak Twiterren aditzera eman duenez, "Egan Bernalek ez di kordea galdu baina kolpe handia hartu du aurpegian. Eskaner bat egin diote kolpearen ondorioak zeintzuk diren ikusteko".
Lehen euskalduna helmugan Ion Izagirre izan da, zazpigarren sartu da, 16 segundora.
.@alafpolak GANADOR DE LA #Klasika ¿¿ pic.twitter.com/SgxJdZN3eC
— Donostiako Klasikoa (@dklasikoa) 4 de agosto de 2018
