Itxi

Txirrindularitza

Otsailaren 12tik 17ra

Froome, Quintana eta Uran, Kolonbiako Tourrean

Agentziak | Erredakzioa

20.000 inguru zale izan ziren taldeen aurkezpen egunean Medellinen.

  • Chris Froome, izarra Kolonbian. EFE

    Chris Froome, izarra Kolonbian. EFE

2019ko Kolonbiako Tourra jokatuko da otsailaren 12tik 17ra bitartean izen handiko txirrindulariekin, hala nola, Chris Froome britainiarra, Bob Jungels luxemburgotarra eta Nairo Quintana eta Rigoberto Uran kolonbiarrak.

Lasterketaren aurkezpenean 20.000 zale inguru bildu ziren Medellineko Autanasio Girardot futbol-zelaian. Bertan, 28 taldeak aurkeztu zituzten, eta zaleek asko ospatu zuten SKY izendatu zutenean. Kolonbiako Tourrean izango diren talde garrantzitsuenak Quick Step, Movistar, EF Education First, Astana eta UAE Team Emirates izango dira.

Guztira sei etapa jokatuko dira; Medellinen izango da aurrenekoa, 14 kilometroko erlojupekoan. Azkenekoan, berriz, goi mendiko jardunaldian, 173.5 kilometro egingo dituzte El Retirotik Palmaseko gainera arte.