Txirrindularitza
2. ETAPA
Alvaro Hodegek irabazi du bigarren etapa eta lider jarri da
AGENTZIAK | ERREDAKZIOA
Deceuninck-Quick Step taldeko txirrindulari kolonbiarra izan da azkarrena La Cejako helmugan.
-
Alvaro Hodeg garaipena ospatzen. Argazkia: EFE
Alvaro Hodeg kolonbiarrak eskuratu du Kolonbiako Tourreko bigarren etapa, La Ceja herrian hasi eta bukatu dena, 150,5 kilometroko ibilbidea bete ondoren.
Deceuninck – Quick Step taldeko txirrindularia izan da azkarrena esprintean, eta Martin Laas estoniarra (Team Illuminate) eta Juan Sebastian Molano kolonbiarra (UAE-Team Emirates) sartu dira haren atzetik.
Hodeg bera da orain lasterketako liderra, eta lehen etaparen ostean lehen postuan jarri zen Rigoberto Uran (Education First) bigarren dago orain, bi segundora.
Ostegun honetan, 167,6 kilometroko ibilbideari egin beharko diote aurre txirrindulariek, Llanogranden hasi eta amaituko den hirugarren etapan.
