Publizitatea
Itxi

Txirrindularitza

Txirrindularitza

2020/07/03

21:02

Txirrindularitza

Istripua

Nairo Quintana, onik Kolonbian entrenatzen ari zela auto batek harrapatu eta gero

AGENTZIAK | ERREDAKZIOA

Lurrera erori eta ezkerreko belaunean eta eskuineko izterrean hartu du kolpea, baina arriskutik kanpo dago, eta egin dizkioten proben emaitzen zain.

  • Nairo Quintana, Poliziarekin hitz egiten gertakariaren ostean.

    Nairo Quintana, Poliziarekin hitz egiten gertakariaren ostean. Argazkia: EFE

  • Whatsapp
  • Whatsapp
  • Telegram
  • Bidali

Auto batek Nairo Quintana (Arkea Samsic) txirrindulari kolonbiarra harrapatu du ostiral honetan, Dayer anaiarekin batera Motavitan (Kolonbia) entrenatzen ari zela, baina arriskutik kanpo dago.

"Auto batek Nairo harrapatu du gaur bere ohiko lan-saioa egiten zegoela. Ahalik eta lasterren emango dugu osasunari buruzko informazio gehiago ", idatzi du Twitter sare sozialean Team Arkéa Samsic bere taldeak.

Motavitako alkatetzak gertatutakoaren inguruko xehetasunak eman ditu sare sozial berean. "Nairo Quintana txirrindulariak istripua izan du. Gidari batek maniobra desegokia egin eta txirrindularia harrapatu du bere ohiko entrenamendua egiten ari zen bitartean ", adierazi du Udalak.

Quintanak (30 urte) bere sare sozialetan argitaratutako bideo batean istripuaren nondik norakoak azaldu ditu. Itxura denez, Quintanaren atzetik bere entrenamenduan laguntzen dion autoa zihoan, eta bigarren auto batek hura aurreratu nahi izan duenean gertatu da ezbeharra.

"Atzetik etorri da, eta ez dit hura ikusteko denborarik eman. Urradura txiki bat daukat, eta kolpeak eskuineko belaunean eta ezkerreko izterrean, azken horrekin jo bainau harrapatu nauen autoaren atzerako ispiluak", adierazi du Quintanak.

Kolonbiarrak zaleen babesa eskertu du, eta egin dizkioten proben emaitzen zain dagoela esan du, hurrengo lehiaketetako prestakuntzan eta parte-hartzean eragina izan dezakeen "edozein lesio" baztertzeko.

Quintanak Italiako Giroa irabazi zuen 2014an eta Espainiako Itzulia 2016an, eta bere taldeak orain dela gutxi baieztatu zuen abuztuaren 29an Nizan hasiko den aurtengo Frantziako Tourrean izango dela, Warren Barguil taldekidearekin batera. Quintana bi aldiz izan da bigarren Tourreko sailkapenean (2013an eta 2015ean) eta beste behin hirugarren (2016an).

  • Bisitatuena

      Kargatzen ikusiena
      Kargatzen ikusiena