Itxi

Txirrindularitza

Irailerako aurreikusita zeuden

Munduko Txirrindularitza Txapelketak bertan behera utzi dituzte, koronabirusagatik

Agentziak | Erredakzioa

Lehia Suitzan egiteko aurreikusita zegoen, irailaren 20tik eta 27ra. UCI beste egoitza baten bila ari da, lehiaketa segurtasun osoarekin egiteko.

  • Txirrindularien tropela, lasterketa batean

    Txirrindularien tropela, lasterketa batean. Argazkia: Efe.

UCI Nazioarteko Txirrindularitza Batzodeak konfirmatu egin du Aigle-Martignyn, Suitzan, egin behar zituzte errepideko munduko txapelketak bertan behera geratu dira Suitzako agintariek koronabirusaren ondorioz jarritako murrizketengatik. Txapelketa irailaren 20tik 27ra egitekoa zen eta,momentuz, ez dago adata horiek aldatzeko asmorik, baina beste egoitza baten bila ari dira aurtengo edizioa segurtasun osoarekin egitea bermatzeko.

Suitzako Batzorde Federalak 1.000 pertsona baino gehiago batzen dituzten ekitaldiak debekatzeko neurria hartu du, eta debekua irailaren 30era arte indarrean izango da. Ondorioz, ezin dira munduko txapelketak egiteko beharrezkoak diren baldintzat bete. "Errepideko munduko txapelketa ez da Aigle-Martigby herrian egingo", konfirmatu du UCIk.

Hala ere, txirrindularitza munduan dagoen aginte nagusiak azpimarratu du "ordezko proiektu baten bila" ari direla 2020ko edizioa egiteko. "Lehentasuna Europan egitea da eta aurreikusitako datetan", azaldu dute. Horrela, "aurreikusitako lasterketa guztiak egitea ala,behintzat, horietako batzuk egitea" da asmoa.