Txirrindularitza
Espainiako Itzulia (14. etapa)
Romain Bardet frantziarra nagusi izan da Pico Villuercas mendatean
EITB MEDIA
Odd Eiking norvegiarrak lidergoari eutsi dio, eta 54 segundoko aldea du Guillaume Martinekin.
Romain Bardet (DSM) frantziarrak irabazi du Vueltako hamalaugarren etapa, Don Benito eta Pico Villuercas artean jokatu dena (165,7 kilometro). Odd Christian Eiking norvegiarrak (Intermarché), bere aldetik, liderraren maillot gorriarekin jarraituko du beste egun bat gehiagoz.
Bardetek helmugatik 6 kilometrora egin du eraso eguneko ihesaldiko txirrindularien artetik, eta bakar-bakarrik egin du azken igoera.
Irabazlearengandik 44 segundora Jesus Herrada (Cofidis) espainiarra eta Jay Vine (Alpecin Fenix) australiarra helmugaratu dira.
Faboritoen tropela 10:25era sartu da, Miguel Angel Lopez kolonbiarra buru zela, eta honek 4 segundo urratu dizkie sailkapen nagusiko aurkari zuzenei, hau da, Primoz Roglic, Enric Mas, Egan Bernal eta Jack Haigi.
Sailkapen nagusiari dagokionez, Odd Christian Eiking Roglicen taldetik 20 segundora sartu da eta, beraz, maillot gorria soinean duela izango da beste egun batez. Haren atzetik Guillaume Martin frantziarra dago, 54 segundora; Roglic 1:36ra eta Enric Mas 2:11ra.
Itzuliko hamabosgarren etapak Navalmoral de la Matatik El Barracora eramango du tropela 197,5 kilometroko ibilbidean zehar.
14. ETAPAKO SAILKAPENA:
1 - BARDET Romain (Team DSM) 4:20:36
2 - HERRADA Jesús (Cofidis) +0:44
3 - VINE Jay (Alpecin-Fenix) d.b.
4 - PIDCOCK Thomas (INEOS Grenadiers) +1:12
5 - CHAMPOUSSIN Clément (AG2R) +1:14
6 - HOLMES Matthew (Lotto Soudal) +1:16
7 - ZEITS Andrey (BikeExchange) +1:19
8 - GENIETS Kevin (Groupama) +1:46
9 - PRODHOMME Nicolas (AG2R) +2:04
10 - TRATNIK Jan (Bahrain) 2:15
SAILKAPEN NAGUSIA 14. ETAPAREN OSTEAN:
1 - EIKING Odd Christian (Intermarché) 55:03:17
2 - MARTIN Guillaume (Cofidis) +0:54
3 - ROGLIC Primož (Jumbo) +1:36
4 - MAS Enric (Movistar) +2:11
5 - LÓPEZ Miguel Ángel (Movistar) +3:04
6 - HAIG Jack (Bahrain) +3:35
7 - BERNAL Egan (INEOS) +4:21
8 - YATES Adam (INEOS) +4:49
9 - KUSS Sepp (Jumbo) + 4:59
10 - GROßSCHARTNER Felix (BORA) +5:31
