Txirrindularitza
Tirreno - Adriatikoa; 4. etapa
Etapa garaipena eta lidergoa Pogacarrentzat
EITB Media
Tadej Pogacarrek irabazi du Tirreno - Adriatikoko laugarren etapa, eta lasterketako liderra da.
-
Tadej Pogacar, 4. etapan lortu duen garaipena ospatzen. Argazkia: EFE
Tadej Pogacar (UAE Emirates) da Tirreno - Adriatikoa lasterketako lider berria, ostegun honetan (martxoak 10) laugarren etapa irabazi ostean. Esloveniarra nagusi izan da Cascata delle Marmore eta Bellante artean egin den, eta 202 kilometroko ibilbidea izan duen jardunaldian.
Pogacarrek erasoa jo du helmugara iristeko 600 metro falta zirenean, eta aurkariek ezin izan dute haren erritmoa jarraitu. Jonas Vinegaard (Jumbo - Visma) izan da bigarren, Victor Lafay (Cofidis) hirugarren eta Remco Evenepoel (Quick Step - Alpha Vinyl) laugarren; guztiak, 2 segundora. Gainera, Pogacarrek 10 segundoko gainsaria eskuratu du.
Mikel Landa (Bahrain Victorious) bederatzigarren izan da, Alex Aranburu (Movistar) 11. eta Pello Bilbaok (Bahrain Victorious) 13. postuan amaitu du. Hiru euskal txirrindulariak irabazlea baino bost segundo geroago helmugaratu dira.
Sailkapen nagusiko lehen postuan da Tadej Pogacar. Esloveniarrak 9 segundo ateratzen dizkio bigarren den Evenepoeli, eta 11 hirugarren postuan dagoen Filippo Gannari (Ineos Grenadiers).
Laugarren etapako sailkapena:
1 - POGACAR Tadej (UAE Emirates) 4:48:39
2 - VINGEGAARD Jonas (Jumbo-Visma) + 2"
3 - LAFAY Victor (Cofidis) d. b.
4 - EVENEPOEL Remco (Quick-Step Alpha Vinyl) d. b.
5 - CICCONE Giulio (Trek - Segafredo) + 5"
6 - GEOGHEGAN HART Tao (INEOS Grenadiers) d. b.
7 - MAS Enric (Movistar) d. b.
8 - KELDERMAN Wilco (BORA - hansgrohe) d. b.
9 - LANDA Mikel (Bahrain - Victorious) d. b.
10 - HINDLEY Jai (BORA - hansgrohe) d. b.
11 - ARANBURU Alex (Movistar) d. b.
12 - POZZOVIVO Domenico (Intermarche) d. b.
13 - BILBAO Pello (Bahrain - Victorious) d. b.
14 - LOPEZ Miguel Angel (Astana ) + 12"
15 - URAN Rigoberto (EF Education-EasyPost) d. b.
Sailkapen nagusia:
1 - POGACAR Tadej (UAE Emirates) 14:36:47
2 - EVENEPOEL Remco (Quick-Step Alpha Vinyl) + 9"
3 - GANNA Filippo (INEOS Grenadiers) + 21"
4 - ARENSMAN Thymen (DSM) + 36"
5 - GEOGHEGAN HART Tao (INEOS Grenadiers) + 43"
6 - VINGEGAARD Jonas (Jumbo-Visma) + 45"
7 - LOPEZ Miguel Angel (Astana) + 50"
8 - SOLER Marc (UAE Emirates) + 56"
9 - PORTE Richie (INEOS Grenadiers) + 1'02"
10 - KELDERMAN Wilco (BORA - hansgrohe) + 1'04"
----------------------------------------------------------------------------
16 - BILBAO Pello (Bahrain - Victorious) + 1'11"
21 - ARANBURU Alex (Movistar) + 1'22"
23 - LANDA Mikel (Bahrain - Victorious) + 1'24"
