Tim Merlierrek irabazi du UAE Tourreko lehen etapa, esprintean

Tim Merlier (Soudal Quick-Step) belgikarra da UAE Tourreko lehen liderra, Al Dhafrako Gaztelua eta Al Mirfa artean (151 kilometro), Caleb Ewan (Lotto Dstny) australiarra eta Mark Cavendish (Astana Qazaqstan Team) britainiarra esprintean gainditu ondoren.

Merlierrek honela jantzi du sailkapen nagusiko liderraren maillot gorria. Astearte honetan otsailaren 26an amaituko den lasterketaren bigarren etapa jokatuko da, 17,3 kilometroko taldekako erlojupekoa, Khalifa Porten hasi eta amaituko dena.

Pello Bilbao, sailkapen nagusian ondo kokatuta

Bilbaok bederatzigarren postuan bukatu du lehen etapa, iheslarien taldearekin helmugaratu ondoren. Gernikarrak, Evenepoel faborito nagusiarekin eta Luke Plapp gaztearekin batera, 50 segundo atera dizkie sailkapen nagusiko gainerako oilarrei. Horrek abantaila ematen dio bizkaitarrari dagoeneko podiumera igo den lasterketa batean, iaz Pogacarrekin eta Yatesekin sailkapen nagusiko burua itxi baitzuen.

LEHEN ETAPAKO SAILKAPENA

1.- MERLIER Tim (Soudal - Quick Step) 3:17:35

2.- EWAN Caleb (Lotto Dstny) d.b.

3.- CAVENDISH Mark (Astana Qazaqstan Team) d.b.

4.- KOOIJ Olav (Jumbo-Visma) d.b.

5.- ARNDT Nikias (Bahrain – Victorious) d.b.

6.- BAUHAUS Phil (Bahrain – Victorious) d.b.

7.- PLAPP Luke (INEOS Grenadiers) d.b.

8.- EVENEPOEL Remco (Soudal - Quick Step) d.b.

9.- BILBAO Pello (Bahrain – Victorious) d.b.

10.- BOL Cees (Astana Qazaqstan Team) d.b.

SAILKAPEN OROKORRA

1.- MERLIER Tim (Soudal - Quick Step) 3:17:25

2.- EWAN Caleb (Lotto Dstny) +0:04

3.- PLAPP Luke (INEOS Grenadiers) +0:05

4.- CAVENDISH Mark (Astana Qazaqstan Team) +0:06

5.- ARNDT Nikias (Bahrain – Victorious) +0:07

6.- EVENEPOEL Remco (Soudal - Quick Step) +0:08

7.- BILBAO Pello (Bahrain – Victorious) d.b.

8.- KOOIJ Olav (Jumbo-Visma) +0:10

9.- BAUHAUS Phil (Bahrain – Victorious) d.b.

10.- BOL Cees (Astana Qazaqstan Team) d.b.