Eneco Tourrean itzuliko dela baieztatu du Contadorrek

Erredakzioa

Azken eguneratzea: 2012/07/11 10:45 (UTC+2)

Dopatu izanagatik zigorra bete ondoren, lehiaketara itzultzeko "irrikitan" dagoela aitortu du Madrilgo txirrindulariak.

Alberto Contador. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Remy Di Gregorio atxilotu dute, Tourreko atseden egunean
Atzera bota dute Armstrongek USADAren aurka jarritako helegitea

Alberto Contadorrek Eneco Tour proban itzuliko dela baieztatu berri du. Dopatzeagatik zigorra bete eta gero, abuztuaren 6an ekingo dio madrildarrak berriro lehiaketari, Waalwijken (Holanda). Ondoren, Iruñean hasiko den Vueltan hartuko du parte.

"Eneco Tour proba berezia izango da niretzat. Alde batetik, itzultzeko irrikitan nagoelako eta bestetik proba txirrindularitza asko maite duten bi herrialdeetan (Belgikan eta Herbeheretan) korritzen delako", adierazi du Contadorrek Eneco Tourreko webgunean.