Itxi

Txirrindularitza

Down Under Tourra 2025

Javier Romok Sam Welsfordi kendu dio Down Under Tourreko lidertza, hirugarren etapa irabazita

EITB MEDIA

Txirrindulari espainiarra iritsi da lehen tokian helmugara, Uraidlan, azken kilometroetan bakarka ihes egin eta gero.

  • Javier Romo, garaipena ospatzen. Argazkia: Movistar Team

    Javier Romo, garaipena ospatzen. Argazkia: Movistar Team

Javier Romo espainiarra (Movistar) izan da nagusi Down Under Tourreko hirugarren etapan, eta lortu du WorldTour zirkuituan lehen garaipena. Knotts Hill mendatearen igoera gogorrak markatutako ibilbidea izan da, Norwooden hasi eta Uraidlan amaituta (147,5 kilometro).

Azken kilometroetan bakarka ihes egin du Romok, tropela atzean utzita, eta hala iritsi da helmugara, Uraidlan.

Sailkapen nagusian lehen tokia kendu dio Romok Welsfordi. Jhonatan Narvaez da bigarren, eta Finn Fisher-Black (Red Bull-Bora-Hansgrohe) hirugarren, liderrarekiko zortzi eta hamar segundora, hurrenez hurren.

3. etapako sailkapena:

1 - ROMO Javier (Movistar) 3:01:22
2 - NARVAEZ Jhonatan (Emirates-XRG) 0:05
3 - FISHER-BLACK Finn (Red Bull-Bora-Hansgrohe) 0:05
4 - WITHEN PHILIPSEN Albert (Lidl-Trek) 0:05
5 - GLOAG Thomas (Visma-Lease a Bike) 0:05

Sailkapen nagusia:

1 - ROMO Javier (Movistar) 10:13:51
2 - NARVAEZ Jhonatan (Emirates-XRG) 0:08
3 - KONRAD Patrick (Lidl-Trek) 0:10
4 - FISHER-BLACK Finn (Red Bull-Bora-Hansgrohe) 0:10
5 - TRONCHON Bastien (Decathlon-AG2R) 0:12