Txirrindularitza
Tour Down Under 2025
Jhonatan Narvaezek irabazi du Tour Down Under lasterketa
Agentziak | EITB MEDIA
Ekuadorreko txirrindularia (UAE Emirates-XRG) Australiako txapelduna izan da, Javier Romo (Movistar Team) eta Finn Fisher-Black (Red Bull-Bora-Hansgrohe) txirrindularien aurretik. Azken etapa, berriz, Sam Welsfordentzat izan da (Red Bull-Bora Hansgrohe).
-
Jhonatan Narvaezek irabazi du Tour Down Under lasterketa Argazkia: EFE
Jhonatan Narvaez ekuadortarrak (UAE Emirates-XRG) irabazi du, igande honetan, Australiako Santos Tour Down Under lasterketa. Adelaidako kaleetan zehar korritu den azken etapa, bestalde, Sam Welsfordek (Red Bull-Bora Hansgrohe) irabazi du.
Narvaezek lidergoa aurreko jardunaldian eskuratu zuen, bosgarren etapan, lehen postua kendu baitzion Javier Romo espainiarrari (Movistar).
Adelaidako kaleetan egindako 90 kilometroetan, Narvaezek atzo irabazitako alde hori mantentzen eta garaipena lortzen jakin du, buruz buruko taldean, tropela kontrolpean izaten jakin baitu. 6. etapa, bestalde, Sam Welsfordek irabazi du esprintean.
Sailkapen nagusian bigarren Javier Romo izan da eta hirugarren, hamabi segundora, Finn Fisher-Black zeelandaberritarra.
6. etapako sailkapena
1 - WELSFORD Sam (Red Bull-BORA) 1:53:14
2 - COQUARD Bryan (Cofidis) d.b.
3 - BAUHAUS Phil (BORA) d.b.
4 - OLIVEIRA Rui (UAE Team Emirates) d. b.
5 - VAN POPPEL Danny ( Red Bull -BORA) d. b.
6 - UHLIG Henri (Alpecin - Deceuninck) d.b.
7 - ANDRESEN Tobias Lund (Team Picnic PostNL) d. b.
8 - TEUTENBERG Tim Torn (Lidl - Trek) d. b.
9 - WALLS Matthew (Groupama - FDJ) d. b.
10 - RACCAGNI NOVIERO Andrea (Soudal Quick-Step) d. b.
Sailkapen orokorra:
1 - NARVÁEZ Jhonatan (UAE) 19:19:16
2- ROMO Javier (Movistar) + 0:09
3 - FISHER-BLACK Finn ( BORA) + 0:12
4 - ONLEY Oscar (Team Picnic) + 0:15
5 - TRONCHON Bastien (Decathlon) + 0:24
6 - PLAPP Luke (Jayco AlUla) m. t.
7 - SHEFFIELD Magnus (INEOS) + 0:27
8 - GLOAG Thomas (Visma) m. t.
9- KONRAD Patrick (Lidl - Trek) + 0:31
10 - WOODS Michael (Israel) + 0:47