Txirrindularitza
Babesle historikoa
Rabobank bankuak agur esan dio txirrindularitza profesionalari
Erredakzioa
Holandako banketxeak duela 17 urte hasi zuen babesle lana txirrindularitzan. Horrela, Juanma Garate gipuzkoarra talderik gabe geratu da.
-
Luis Leon Sanchez. EFE
Holandako banketxeak duela 17 urte hasi zuen babesle lana txirrindularitzan. Urteak aurrera joan ahala Rabobankek laguntza zabaldu zuen; izan ere, emakumezkoen eta gizonezkoen talde profesionalez gain, gazteen talde bat eta ziklo-kros taldea babestu ditu.
Rabobank World Tourreko taldeak 28 txirrindulari zituen baieztaturik. Guztiak talde gabe geratu dira, banketxeak erabakia hartu eta gero.
Horrela, Robert Gesink, Lars Boom, Luis Leon Sanchez edo Bauke Mollema bezalako txirrindulariek talde berri bat bilatu beharko dute. Era berean, Juanma Garate gipuzkoarra talde gabe geratu da.
