Euskaltel-Euskadiko Jordi Lopezek bigarren postua lortu du Asturiasko Itzuliko 3. etapan

Euskaltel-Euskadi taldeko Jordi Lopez kataluniarra garaipenetik gertu izan da larunbat honetan Asturiasko Itzuliko hirugarren etapako esprintean. Castropol eta Vegadeo arteko 165,5 kilometroko ibilbidea gainditu ondoren, Badalonakoa bigarren postuan helmugaratu da, Alesandro Covi (UAE) irabazlearen atzetik eta Ivan Garcia Cortinaren (Movistar) aurretik.

Diazek (Caja Rural), Garcia Piernak (Kern Pharma) eta Sotok (Euskaltel) eguneko ihesaldian hartu dute parte, faboritoen taldeari hiru minutura arte ateraz, baina tropelak harrapatu egin ditu helmugarako lau kilometroren faltan.

Une horretan hasi da goiko postuetara iristeko borroka, esprinta jaurtitzeko. Covik erritmoari eutsi dio azken metroetan, eta ondoren Jordi Lopez etorri da. Iker Bonillo bere taldekidea ere top 10ean sartu da, seigarren postuan iritsiz denbora berarekin.

Sailkapen nagusian, Samuel Fernandezek (Caja Rural) hirugarren postuan jarraitzen du eta Txomin Juaristik (Euskaltel-Euskadi) postu bat igo du, azken etaparen faltan laugarren kokatuz.

3. ETAPAKO SAILKAPENA

1.- COVI Alessandro (UAE) 4:04:57

2.- LOPEZ Jordi (Euskaltel) d. b.

3.- GARCIA CORTINA Iván (Movistar) d. b.

4.- TESSON Jason (TotalEnergies) d. b.

5.- WENZEL Mats (Kern Pharma) d. b.

SAILKAPEN NAGUISIA

1.- SOLER Marc (UAE) 11:55:54

2.- DE LA CALLE Hugo (Burgos) +1:51

3.- FERNANDEZ Samuel (Caja Rural) +1:53

4.- JUARISTI Txomin (Euskaltel) +3:12

5.- PERICAS Adria (UAE) d. b.