Frantziako Tourra 2023
10. etapa
Van Aertek lortu du garaipena, Landak, Fuglsangek eta Pinotek denbora galdu dutelarik
Erredakzioa
Wout van Aert nagusitu da esprintean, Viviani eta Ewan menderatuta. Fuglsangek eta Pinotek 1'40" galdu dute Alaphilippekiko eta Geraint Thomasekiko. Mikel Landak, 2'09" galdu du, erorikoa izan baitu.
Albisteak (10)
- Daryl Impey gailendu da Briouden, eta Alaphilippek lehen postuan jarraitzen du
- Thomas De Gendtek irabazi du etapa, eta Alaphilippe lider da berriro
- Groenewegenek Jumboren hirugarren garaipena lortu du aurtengo Tourrean
- Teunsek irabazi du mendiko lehen etapa; Ciccone da lider berria
- Katushak ez du pelotoian jarraituko, 'L'Equipe' egunkariaren arabera
- Saganek bere abiaduraren erakustaldia eman du Colmargo helmugan
Wout Van Aertek (Jumbo Visma) irabazi du 2019ko Tourraren hamargarren etapa, esprintean Elia Viviani (Deceunick Quick Step) eta Caleb Ewan (Lotto Soudal) menderatuta. Etapa garaipena lehiatu duen multzoa oso txirrindulari gutxirekin iritsi da helmugara, haizearen eraginez mozketak egon baitira tropelean. Jumbo Visma taldeak, laugarren etapa garaipena erdietsi du aurtengo Tourrean.
Julian Alaphilippek lidertzari eutsi dio, lehen multzoan helmugaratuta. Alaphilippek, 1'12" ateratzen dio sailkapen nagusian Geraint Thomasi (Ineos). Tourra irabazteko faboritoen artean dauden Thibaut Pinotek (Groupama) eta Jakob Fuglsangek (Astana) 1'40" galdu dute lehen multzoarekiko, eta atzerapausoa eman dute.
Erorikoa eta denbora galera Landarentzat
Tropelean haizearen eraginez egon den lehen mozketari tropelaren buruan eusti ostean, Mikel Landak erorikoa izan du etapako azken kilometroetan, eta moztuta geratu da, Fuglsangek eta Pinotek baino denbora gehiago galduz.
Euskal txirrindulariak, bi minutu eta bederatzi segundo (2'09") galdu ditu, Alaphilippe, Thomas eta Bernal txirrindulariekiko.
