Frantziako Tourra 2023
Prudhommeri elkarrizketa
Tourrak bere datak mantentzen ditu eta "zale gabe ez da jokatuko"
eitb.eus
Frantziako Tourreko zuzendariak horrela esan du, baina lasterketa atzeratzea ere aukera bat da.
-
Tourreko aurkezpenaren argazkia
Christian Prudhommek, Frantziako Tourreko zuzendariak, lasterketa "zaleak gabe ez dela jokatuko" esan du La Montagne egunkarian egindako elkarrizketan. Duela egun batzuk Roxana Maracineanu Kiroletako ministroak Covid-19ko pandemiagatik Tourra zale gabe, hots, "ateak itxita" jokatzeko aukera zegoela bota zuen.
Hala eta guztiz ere, Prudhommek Tourrak bere datak mantentzen dituela azpimarratu nahi izan du, beti koronabirusaren hedapenaren eta eboluzioaren menpe.
Lasterketa ekainaren 27an hasi behar da eta azken etapa, Parisen, uztailaren 19an jokatu behar da.
"Frantziako Tourrean garrantzitsuena Frantzia da. Egun, osasuna da garrantzitsuena eta nik gauza bat nahi dut, Tourra udan jokatzea, hori ona izango litzakete. Lasterketa egiten ez bada, horrek esango luke herriaren egoera ez dela ona, egoera katastrofikoa izango litzateke", gehitu du zuzendariak.
Beste alde batetik, lasterketa atzeratzea ere aukera bat dela argi utzi du eta lanean ari direla egoera guztiei aurre egiteko.
