Itxi

X-deportes_tour de francia-X

X-deportes_tour de francia-X

Frantziako Tourra 2023

Faboritoetako bat

Roglicek zalantzak uxatu ditu eta Tourreko irteeran izango da, larunbat honetan

Agentziak | Erredakzioa

Esloveniarra ez zen Dauphineko bosgarren etapan atera, lider izan arren, laugarrenean izandako erorikoak eragindako lesioen ondorioz.

  • Primoz Roglic, Dauphinen

    Primoz Roglic, Dauphinen. Argazkia: Efe.

2019ko Espainiako Itzuliko irabazleak, Primoz Roglic esloveniarrak (Jumbo Visma), konfirmatu egin du larunbatean Frantziako Tourreko irteeran izango dela, Nizan. Horrela, Roglicek Dauphinen izandako eroriko larriaren ostean agertutako zalantza guztiak uxatu ditu.

"Pozik nago irteeran egongo naizelako, eta nire onena ematen saiatuko naiz", esan dio txapeldun esloveniarrak Het Laatste News hedabideari, azken egunetan bere egoera fisikoaren inguruan sortutako zurrumurruekin amaitzeko.  

Egan Bernalekin batera, Roglic aurtengo Tourra irabazteko faborito nagusietako bat da. Dauphine Kriteriumeko bosgarren eta azken etapan ez zen atera, laugarrenean erorikoa izan ostean, sailkapen nagusiko liderra bazen ere.

Roglicek bost garaipen lortu ditu aurtengo denboraldian, eta duela egun batzuk zalantzak agertu zituen lesioaren garapenaren inguruan. Zalantza horiek emazteak berretsi zituen, senarra Tourrean egoteko prest izango zen ala ez zalantzan jarrita.