Frantziako Tourra 2023
110. EKITALDIA
2023ko Tourra Puy de Domera itzuliko da, Tourmalet igoko du eta erlojupeko bakarra izango du
AGENTZIAK | EITB MEDIA
Uztailaren 1ean aterako da Bilbotik eta uztailaren 23an amaituko da, Parisen, 3.400 kilometro gainditu ondoren.
Albisteak (3)
2023ko uztailaren 1etik 23ra jokatuko den hurrengo Frantziako Tourra Bilbotik irtengo da, Puy de Domera itzuliko da 35 urte geroago, Tourmalet mitikoa igoko du eta erlojupeko bakarra izango du (22 kilometrokoa Comblouxen), antolatzaileek ostegun honetan Parisen egindako aurkezpen ofizialean iragarri dutenez.
BIGARREN IRTEERA EUSKADIN
Tourreko Grand Départ bigarren aldiz izango da Euskadin, 1992an Donostiakoa izan ondoren, eta hogeita bosgarren aldiz Frantziatik kanpo. Lehen hiru etapak Pirinioez bestaldean egin ondoren, Bilbon, Gasteiz - Donostia, 2023ko 'maratoilariena', 209 kilometrorekin, eta Zornotzakoa Baionan amaituko dena, gainerako Tourra Frantziatik irten gabe igaroko da.
21 etapetatik, zortzi lauak izango dira, eta egokiak ihesaldietarako edo esprintera iristeko; lau, mendi ertainekoak, eta zortzi, goi-mendikoak, lau mendate izango dituztenak Cauterets-Cambasquen, Puy de Domen (1988tik ez zen ageri), Grand Colombierren eta Saint-Gervais Mont-Blancen.
Pirinioetan Aspin eta Tourmalet igoko dira seigarren etapan, Erdialdeko Mendigunea, Jura, Alpeak eta Vosgoak. Col de la Loze, 2.304 metrorekin, hurrengo edizioko punturik altuena izango da.
Erlojupeko adituek, berriz, bakarra izango dute 'Guggenheimeko Tourrean', hamaseigarren etapan, Passy eta Combloux arteko Alpeetan, 22 kilometrokoa eta lur malkartsua zeharkatzen duena.
Champs-Elyséesera iritsi bezperan, Le Markstein Felleringen amaituko den jardunaldiak 133 kilometro izango ditu errutometroan, eta Ballon d 'Alsace, Col de la Croix des Moinats eta Grosse Pierre, Petit Ballon eta Platzerwasel igo beharko dituzte maillot horia eskuratu nahian.
2023KO FRANTZIAKO TOURREKO ETAPAK
1. etapa (uztailak 1): Bilbo – Bilbo (182 km)
2. etapa (uztailak 2): Gasteiz – Donostia (209 km)
3. etapa (uztailak 3): Zornotza – Baiona (185 km)
4. etapa (uztailak 4): Alkize – Nogaro (182 km)
5. etapa (uztailak 5): Paue – Laruns (165 km)
6. etapa (uztailak 6): Tarbes – Cauterets (145 km)
7. etapa (uztailak 7): Mont-de-Marsan – Bordele (170 km)
8. etapa (uztailak 8): Libourne – Limoges (201 km)
9. etapa (uztailak 9): Saint-Leonard-de-Noblat - Puy de Dôme (184 km)
Uztailak 10: Atseden eguna Clermont Ferranden
10. etapa (uztailak 11): Vulcania – Issoire (167 km)
11. etapa (uztailak 12): Clermont Ferrand – Moulins (180 km)
12. etapa (uztailak 13): Roanne - Belleville-en-Boeaujolais (169 km)
13. etapa (uztailak 14): Châtillon-sur-Chalaronne – Grand Colombier (138 km)
14. etapa (uztailak 15): Annemasse – Morzine (152 km)
15. etapa (uztailak 16): Les Gets – Saint-Gervais Mont Blanc (180 km)
Uztailak 17: Atseden eguna Saint-Gervais Mont Blancen
16. etapa (uztailak 18): Passy – Combloux (Erlojupekoa) (22 km)
17. etapa (uztailak 19): Saint-Gervais Mont Blanc – Courchevel (166 km)
18. etapa (uztailak 20): Moûtiers – Bourg-en-Bresse (186 km)
19. etapa (uztailak 21): Moirans-en-Montagne – Poligny (173 km)
20. etapa (uztailak 22): Belfort – Le Markstein (133 km)
21. etapa (uztailak 23): Saint-Quintin-en-Yvelines – Paris (115 km)
