Frantziako Tourra
15. etapa
Pierrick Fedrigok Vandevelde aise gainditu du
Erredakzioa
FDJ taldeko frantziarrak Christian Vandevelde estatubatuarra buruz burukoan erraz gainditu du, Paueko helmugan. Wiggins bigarren atseden egunera elastiko horiarekin helduko da.
Albisteak (2)
Informazio gehiago (2)
Pierrick Fedrigo frantziarrak (FDJ) Frantziako Tourreko hamabosgarren etapa (Samatan-Pau, 158,5 kilometro) irabazi du, eta Bradley Wiggins britainiarrak (Sky) elastiko horiarekin jarraituko du.
Fedrigok Frantziako Tourreko bere laugarren garaipena eskuratu du Pauen. FDJ taldeko frantziarrak, Christian Vandevelde estatubatuarrarekin batera, beste lau iheskideak helmugatik sei kilometrora atzean utzi ditu, eta esprintean Garmin taldeko txirrindularia aise gainditu du.
Thomas Voecklerrek ezin izan du bere bigarren garaipena eskuratu. Europcar taldeko txirrindulariak ezin izan du Fedrigoren eta Vandevelderen gurpila jarraitu, eta garaipena lortzeko lehiatik at gelditu da, Dries Devenynsekin, Samuel Dumoulinekin eta Nicki Sorensenekin batera.
Ihesaldia eratzeko hainbat arazo izan dituzte, talde gehienek aurreneko kilometroetan ihes egiteko erasoak jo baitituzte. Gainera, errepidea gorabeheratsua izan da, eta txirrindulariek berotu ederra hartu dute.
62. kilometroan Voecklerrek, Vandeveldek, Fedrigo, Dumoulinek eta Devenynsek aurrera egin dute, eta geroago Sorensen ihesaldira batu da.
Seikoteak alde garrantzitsua lortu du, eta tropela helmugara ia 12 minutura heldu da. Txirrindulariek eta faboritoek, batez ere, Pirinioetako etapetarako indarrak gorde dituzte, bihar atseden eguna izango baitute.
15. etapa:
1. Pierrick Fedrigo (FRA/FDJ) 03:40:15
2. Christian Vandevelde (USA/Garmin) d.b.
3. Thomas Voeckler (FRA/Europcar) + 0:12
4. Nicko Sorensen (DEN/Saxo Bank) d.b.
5. Dries Devenyns (BEL/Omega) + 0:21
6. Samuel Dumoulin (FRA/Cofidis) + 01:08
7. Andre Greipel (GER/Lotto) + 11:50
8. Tyler Farrar (USA/Garmin) d.b.
9. Peter Sagan (SVK/Liquigas) d.b.
.10. Kris Boeckmans (BEL/Vacansoleil) d.b.
Sailkapen nagusia:
1 Bradley WIGGINS SKY 64:41:16
2 Christopher FROOME SKY +2:05
3 Vincenzo NIBALI LIQ +2:23
4 Cadel EVANS BMC +3:19
5 Jurgen VAN DEN BROECK LTB +4:48
6 Haimar ZUBELDIA AGIRRE RNT +6:15
7 Tejay VAN GARDEREN BMC +6:57
8 Janez BRAJKOVIC AST +7:30
9 Pierre ROLLAND EUC +8:31
10 Thibaut PINOT FDJ +8:51
11 Andreas KLÖDEN RNT +9:29
12 Frank SCHLECK RNT +9:45
13 Nicolas ROCHE ALM +10:49
14 Jerome COPPEL SAU +11:27
15 Christopher HORNER RNT +12:41
