Frantziako Tourra
Positiboa berresten bada
Schleckek 'pozoitu' dutela salatuko du
Erredakzioa
Luxenburgoko txirrindulariak "erabat ukatu" du inoiz dopatu izana eta ez duela azalpenik aurkitzen aitortu du.
-
Frank Schleck. Argazkia: EFE
Frank Schleckek (RadioShack-Nissan) erabat ukatu du inoiz dopatu izana, eta ez duela "azalpenik" aurkitzen aitortu du. Aldi berean, uztailaren 14an emandako positiboa berresten bada, "pozoitu" dutela salatuko duela adierazi du.
Schleck Frantziako Tourretik kanpo utzi du RadioShack taldeak, eta txirrindulariak kontranalisia eskatuko duela azpimarratu du. "Inoiz ez dut legez kanpoko ezer hartu. Azalpenik ez dut, baina kontranalisia eskatuko dut nire eskubidea baita", esan du.
