Hombres G, berriz bizirik

Musikala egingo dute Hombres G taldeari buruz eta bertan parte hartzeko talentu bila aritu dira Bilbon. 150 lagunetik gora aurkeztu dira, baina onenek baino ez dute lortuko musikalean parte hartzea.

Epaimahaiko kideak harrituta geratu dira Bilbon ikusi duten mailarekin.

30 urte dira musika mundua astindu zutenetik, eta gaur musikalen mundura ekarri nahi dute iraultza. Hombres Gk, "marta tiene un marcapasos" musikala aurkeztu du Bilbon.

Musikalak ez du taldekideen bizitza erakutsiko. Euren 22 kantu abiapuntu hartuta, beste istorio bat sortu dute, beste pertsonaia batzuekin. Kastinga egiten ari dira Bilbon eta 150 lagun baino gehiago aurkeztu dira. Urduri denak, dantza pausoak entseatzen eta ahotsa berotzen.

Onenak, Madrilen egingo den azken kastingera iritsiko dira. Asko dute jokoan eta dena eman dute.

Ilusioa behintzat nabari zaie eta gustura utzi dituzte epaimahaikideak.