Artea
Ospakizuna
Doako sarrera asteburuan Guggenheimen, 16. urteurrena dela eta
Larunbaterako sarrera erosten duten lehen 3.000 lagunek Puppy batzen duten loreetako bat eramango dute etxera.
-
Guggenheim Bilbao. Argazkia: Antonio Cuesta
Larunbatean 16. urteurrena beteko du Bilboko Guggenheim museoak eta asteburuan doako sarrera izango da. Gainera, bisitariek Puppyren zati bat eramango dute etxera: larunbatean sarrera eskuratzen duten lehen 3.000 lagunek Jeff Koonsen eskultura batzen duten loreetako bat eramango dute.
Museoak jakinarazi duenez, larunbatean eta igandean doako sarrera izango da eta Antoni Tàpiesen "Objektutik eskulturara (1964-2009)" erakusketa ikusgai izango da eta "Guggenheim Bilbao Bildumaren aukeraketak III".
