Artea
2010-2011 kanpaina
Kutura Bonua: iaz baino %6 bonu gehiago saldu dira
Erredakzioa
Gabonetan zehar egindako kanpainak 1.475.000 euroko gastu pribatua sortarazi du.
Blanca Urgell Eusko Jaurlaritzako Kultura Sailburuak goizean egindako prentsaurrekoan adierazi duenez, iaz baino %6 bonu gehiago saldu dira gabonetako kanpainan. Gainera, 1.475.000 euroko gastu pribatua sortarazi duela ere adierazi du.
Hasiera batean Eusko Jaurlaritzak Kultura Bonua kanpainarako 780.000 euro bideratu bazituen ere, hau da, 52.000 bonu; herritarren eskaria ikusita 105.000 euro gehiago erantsi eta 7.000 bonu gehiago jarri ziren kanpainan.
Saltokiei dagokienezeren %20-%25 inguruan hazi da bere kontsumoa, bonurik ez zegoen aurreko urteetako gabonetako datuekin alderatuz gero.
Kultura-kontsumoa aldatu egin da liburu-denden salmentaren arloan %4 jeitsi da, pasa den urteko kanpainarekin konparatuz. Hala ere hazkunde txikiak egon dira zineman, ikuskizun eszenikoetan, zuzeneko musikan eta museoetan.
Hazkundea izan duten beste esparru batzuk bideoa, Euskarazko zinema, musika-euskarriak edo zuzeneko ikuskizunak izan dira.
Aurten azpimarratu beharreko datua programari atxikitako saltokiak (366) aurreko urtean baino %27,53 gehiago izan direla da.
Bideo-spot lehiaketa
Aurtengo beste berritasun bat izan da Eitb.com-ekin eta Kulturklik-ekin elkarlanean prestaturiko Interneteko lehiaketa, alegia, bideo-spot lehiaketa bat bonua publizitatzeko, izan ditzakeen erabilera eta aplikazio ugariak birsortzeko, eta, oro har, kulturaren kontsumoa jolaseko, aberaste pertsonaleko eta garapen kulturaleko iturri moduan sustatzeko. Irabazleak honako hauek izan dira:
- Lehenengo saria, 3.000 euro: ‘El truco’ (Joseba Sanz, Bilbao)
- Bigarren saria, 2.000 euro: ‘A partir de 25, solo disfrutas’ (Imanol Ituiño de Miguel, Bilbao)
- Publikoaren saria, 1.000 euro: ‘¡A ver si te enteras!’ (Abel Isasi Razkin, Amorebieta-Etxano)
Kultura Sailaren 2011rako aurrekontu-proiektuan jadanik jasota dago Kultura-bonuarentzako diru-partida.
