Artea
Iruñea
Nafarroako Unibertsitatearen Museoak Cecilia Paredesen erakusketa bat aurkeztu du
Agentziak | Erredakzioa
“El no retorno”n, perutar artistak hausnarketak proposatzen ditu migrazioei eta naturaren eta gizakiaren arteko harremanari buruz.
-
'El no retorno' irailera arte ikusi ahalko da Iruñean
Nafarroako Unibertsitatearen Museoak “El no retorno” Cecilia Paredesen erakusketa aurkeztu du, artistak azken 20 urteetan eginiko lanen lagin bat, migrazioei, deserrotzeei eta gizakiaren eta naturaren arteko harremanei buruzko hausnarketak proposatzen dituena.
Biduman, argazkiperformanceak, instalazioak, marrazkiak, grabatuak, eskulturak eta entzuteko artelanak bildu dituzte: “Bidaia handi bat proposatu nahi izan dut, giza sentiberatasunean eta inguruarekiko, naturarekiko eta lurraldearekiko harremanean zehar”, azaldu du artistak.
Blanca Berlin erakusketaren komisarioak azaldu duenez, bildumak “oso eduki sozial eta politiko sakona du”. Horren haritik, Quetzalcoatl lana azpimarratu du, 2014. urtean Mexikon desagerrarazi zituzten 43 ikasleen omenezko luma beltzen kapa bat.
