Artea
Erakusketa
50 eta 60ko arte abstraktua, Guggenheim museoan
Erredakzioa
50 eta 60eko hamarkada protagonista da Bilboko museoaren erakusketa berrian. 60 artista eta 80 bat artelan izango dira ikusgai guztira urtarrilera arte.
Guggenheim Museoak bere bildumen artean aukeraketa bat egin du eta pintura abstraktuaren erakusketa berri bat antolatu du, "Pintura abstraktua, 1949-1969: Guggenheim Bildumen aukeraketak" izenpean.
Margolan horietako batzuk Bilbon sekula ikusi gabekoak dira. 50 eta 60eko hamarkadetakoak dira eta, besteak beste, Willem de Kooning, Antoni Tàpies edo Pollocken lanak daude.
Bigarren Mundu Gerrak ekarri zuen suntsipenaren ostean, forma gabeko artea sortu zen. 50 eta 60eko hamarkadetan, Gerra Hotza bete-betean zela, abstrakzioaren hainbat estilo sortu zen.
20 urte oparo horietako pinturak ipini ditu ikusgai Guggenheim museoak:&' || 'nbsp;Pollock, Rothko, de Kooning, Tàpies, Stella... 60 bat artista eta 80 bat artelan.
AEBetako eta Europako lanak daude. Atlantikoak bananduta egon baziren ere, euren artean antzekotasun handiak daude. Orain Bilbon daude ikusgai:&' || 'nbsp;Lan batzuk New York eta Veneziako museoetatik ekarri dituzte lehen aldiz, besteak bertako bildumakoak dira. Gaurtik urtarrilera arte izango dira ikusgai.
