Itxi

Artea

Artium

Juncal Ballestin arabar artistaren legatua Artiumen esku utzi du Anesvad Fundazioak

N. V. | EITB MEDIA

Anesvad Fundazioa arabar artistaren obra sorta eta dokumentu funts zabala jaso zituen, zendu zenean, eta Arte Garaikideko Euskal Museoaren esku utzi ditu orain.

  • Juncal Ballestinen lan bat, Artiumen

    Juncal Ballestinen lan bat, Artiumen

Ramiro González Arabako diputatu nagusi eta Artium Fundazioaren presidenteak eta Garbiñe Biurrun Anesvad Fundazioaren presidenteak hitzarmena sinatu dute gaur, Anesvadek Artium Arte Garaikideko Euskal Museoari dohaintzan eman diezaion Juncal Ballestín artistaren (Vitoria-Gasteiz, 1953-2015) legatu artistiko eta dokumentala.

Dohaintza horrek arabar artistaren 40 obratik gorako funtsa eta dokumentu sorta zabal bat jasotzen ditu, eta Juncal Ballestín ikerketa-beka sustatzeko eta argitalpen espezifiko bat argitaratzeko konpromisoak ere hartu ditu gain Artiumek.

Juncal Ballestínek material, baliabide eta teknika asko erabili zituen bere ibilbidean: pintura, marrazkia, instalazioa, bideoa, obra grafikoa…. 

Gaur Anesvad Fundazioak dohaintzan emandako obretako asko aurreko urtarrilean museoko A4 aretoan inauguratutako Juncal Ballestín. Bizitza ariketa gisa erakusketan erakusgai jarri ziren.

Arte Garaikideko Euskal Museoak datozen egunetan egingo du Juncal Ballestín nazioarteko ikerketa-bekaren deialdia. Horren xedea izango da "Euskadiko nahiz nazioarteko arte feministaren historiografia edo/eta museoaren programei edo haren bildumari atxikitako emakumezko artista eta pentsalarien lanen azterketa garatzeko helburua duen ikerketa-proiektu bat aukeratzea".