Bertsolaritza
Asteburuan
Josune Zabala Mintzola Fundazioko zuzendaria, Hitzetik Hortzeran
Erredakzioa
Zallako plazako, Altzako Bertso Asteko eta G puntuko saioak ikusgai, igande honetan
Asteburu honetan Jon Artano Izetak Josune Zabala hizkuntzalaria eta Mintzola Fundazioko zuzendaria izango du alboan Hitzetik Hortzera saioan. Programaren amaieran Itziar Irizar kolaboratzailea egongo da bikote honekin G puntuari eskainitako atalean.
Arrate Zubigarairen lehen plaza Zallan
Maialen Lujanbio, Amets Arzallus, Sebastian Lizaso eta Arkaitz Estiballes izan zituen lagun oholtzan Arrate Zubigarai zallarrak bere aurreneko plaza handian. Ederki moldatu ziren denak Jon Martinez gai-jartzaile zutela.
Terrorismo poetikoa Altzan
Altzako Bertso Astean ekitaldi arrakastatsuenetakoa Erregea eta Bufoia banketean izan da. Unai Elizasu gai jartzen zutela aritu ziren bertso-kantuan Jexux Mari Irazu eta bazterrak nahasten, terrorismo poetikoa eginaz, Ander Lipus. Altzatarrak elkartean bildutakoek ia ito arte egin zuten barre. Jasotako bideoen atalean emango dute hori.
Igandean, 21:00etan, ETB-1en. Eta aurretik ikusgai eitb.com-en.
