Literatura
Argitalpena
Kirmen Uriberen 'Bilbao-New York-Bilbao' japonieraz argitaratu dute
Frantzian Gallimard etxearen eskutik argitaratu da eta izandako harrera kritiko onaren ostean, Japonian ere argia ikusiko du. Nami Kaneko itzultzaileak egin du itzulpena, euskaratik zuzenean.
-
Kirmen Uribe. Argazkia: EITB
Japonieraz argitaratu da Kirmen Uriberen "Bilbao-New York-Bilbao" eleberria, Frantzian Gallimard etxearen eskutik argitaratu eta izandako harrera kritiko onaren ostean. Hakusui Sha argitaletxeak kaleratu du nobela eta Nami Kaneko itzultzaileak egin du itzulpena, euskaratik zuzenean.
Liburua Tokion aurkeztuko dute azaroaren 6an, Keijiro Suga idazlearekin solasaldi batean. Gainera, Tokioko Unibertsitatean beste hitzaldi bat emango du Ryuta Imafuku irakaslearekin batera.
Horren ostean, Kirmen Uribek errezitaldi poetiko batean hartuko du parte Okinawa irlan, bertan erabiltzen den hizkuntzan hitz egiten duten idazleekin batera.
