Musika
Sarrerak
Salgai dira Donostiako jazzaldirako sarrerak
Los conciertos de pago se celebrarán en el auditorio del Kursaal, el Victoria Eugenia, el Museo de San Telmo y en el escenario principal, el tradicional de la Plaza de la Trinidad.
-
Neneh Cherry, iragan Jazzaldian. Argazkia: EFE
Donostiako jazzaldiko 48. edizioko ordainpeko kontzertuen sarrerak salgai dira. Uztailaren 24tik 28ra egingo dute aurten eta jaialdiaren webgunean bertan eskuratu daitezke sarrerak eta baita Kutxabankeko sarreren salmenta webgunean ere. Victoria Eugeniako txarteldegiak ere irekita izango dira, 11:30etik 13:00etara eta 17:00etatik 20:00etara.
Diana Krall, Lee Konitz, Hiromi, Dave Douglas eta Pharoah Sanders musikariak izango dira edizio honetan, besteak beste. Ordainpeko kontzertuak Kursaalen, Victoria Eugenian, San Telmo museoan eta Trinitate enparantzako agertoki nagusian izango dira. Doako kontzertuak ere izango dira, Zurriolako Agertoki Berdean, baina oraindik ez dute jakinarazi zein talde arituko diren hondartzan.
Uztailaren 27an izango da emanaldi garrantzitsuena, John Zornen 'Masada Marathon' deritzona. Europan ikuskizun horrekin gozatzeko aukera bakarra izango da, musikariak berak aukeratutako 12 talde izango direlarik. Bost ordu eta erdiko emanaldia izango da eta bertaratzen direnek ezingo dute Trinitate enparantzako kontzertura joan. Diana Krall, gaur egungo jazzaren diva berria, uztailaren 28an izango da eszenatoki berean.
