Musika
Heriotza
Josetxo Ezponda, Los Bichos taldeko liderra, hil da
Bi disko luze eta hainbat single kaleratu zituen taldeak 90eko hamarkada hasieran, baina garaiko talde erreferentzialeko bat izan zen. Taldea banandu ostean, bakarkako disko batzuk kaleratu zituen.
Burlatako udalak twitter bidez konfirmatu duenez, Josetxo Ezponda hil da. Los Bichos taldeko lider izandakoak bi disko kaleratu zituen bakarrik taldearekin, baina banandu ostean, bakarkako hainbat lan kaleratu zituen. Halere, 90eko hamarkada hasierako indie mugimenduaren sorreraren talde garrantzitsuenetarikoa izan zen.
Kultuzko taldea da Los Bichos eta 2006an jakin genuen azkenengoz beraien inguruko ezer: "1991-1988" (Munster Records) kaleratu zuten orduan, CD bikoitz bat 36 kanturekin, taldearen ibilbideko lau urtetan izandako arrakastekin.
Rockdelux eta Ruta 66 aldizkarien eskutik kritika oso onak jaso zituen taldeak, baina Los Bichosek ez zuen arrakasta masiboa lortu (garairako aurreratuak izan zirela goraipatu zuten) eta bakarkako ibilbide motz baten ostean, ez genuen Josetxo Ezpondaren inguruko albisterik izan.
