Musika
Heriotza
Juan Formell Los Van Van orkestrako arima hil da
Erredakzioa
Kubatar musikaria 71 urte hil zituela hil da, ostegun honetan.
-
Juan Formell, aurrealdean, otsaileko irudi batean. Argazkia: Efe.
Kubatar musikak eta dantzak Juan Formell Los Van Van taldearen sortzaile, buru eta arima galdu dute. Kubako orkestra ezagunena da, eta uharteko biztanleen gogokoena izan da urte askoan.
Kubako telebistak iragarri duenez, Formell 71 urte zituela hil da, bat-batean, Habanan.
Konposatzailea, kontrabaxu-jotzailea eta vanvandarren sortzailea 1942ko abuztuaren 2an jaio zen, Habanan, aita pianista zuela. Hain zuzen ere, berak bultzatu zuen kontrabaxua jotzen ikastera, eta tresna hori jotzen abiatu zuen ibilbide musikala Juan Formellek.
Fermellen belaunaldiko musikariek rock-and-rolla dantzatzen zuten 50eko hamarkada, musika Elvis Presleyk jarrita, eta Beatlesen eragina ere bazuen, baina, gisa berean, José Antonio Méndez, César Portillo de la Luz, Benny Moré, Silvio Rodríguez eta Pablo Milanesen musika ere jo zuten.
1969an Los Van Van sortu zuen, eta, taldekideekin batera, "Lo material", "Marilú", "La Habana no aguanta más", "Sandunguera", "De mis recuerdos", "El buey cansao" eta beste hamaika kantu jo zituen.
