Musika
Jaialdia
Pet Shop Boys Iruñeko Tres Sesenta jaialdian arituko da
N.V. / L.Z. | EITB.EUS
The Buzzcocks, Mi Capitan eta Reina Republicana eta The Icer Company taldeek osatu dute kartela.
-
PET SHOP BOYS. ARGAZKIA: EFE
Tres Sesenta jaialdiaren kartel osoa iragarri dute gaur bertan antolatzaileek. Ekainaren 5ean, 6an eta 7an musika independentaren agertoki bihurtuko da Nafarroako hiriburuko Zitadela.
Nazioarteko musika-eskaintzari dagokionez, Pet Shop Boysen eta Buzzcocksen kantuak entzungo dira han. Bestalde, Mi Capitan talde kataluniarra arituko da, eta The Icer Company eta Reina Republicana talde euskaldunentzat ere izango da tokirik.
Aipatu taldeez gain, aurretik baieztatutako Supersubmarina, Loquillo, Is Tropical, Leon benavente eta Arizona Baby aterako dira oholtzara, laugarren edizio honetan.
Pet Shop Boysen emanaldia
Musika elektronikoa lantzen duen Pet Shop Boys bikote britainiarra jaialdia ixteaz arduratuko da, ekainaren 7an. Hain zuzen, “Electric World Tour” birako azken zuzenekoetako bat eskainiko du.
Guztira, 108 emanaldi eskainiko dituzte, 47 herrialdetan.
