Orfeoiaren eta Errusiako Orkestra Nazionalaren bigarren hitzordua

Igande honetan, arratsaldeko 20:00etan, Donostiako Orfeoiaren eta Errusiako Orkestra Nazionalaren arteko bigarren kontzertua hartuko du Kursaal Jauregiak, Donostiako Musika Hamabostaldiaren 71. edizioaren barnean.

Bigarren emanaldi honetan eta Mikhail Pletnevek zuzenduta, Nikolai Rimsky-Korsakov musikagilearen obrak izango ditugu entzungai: ''Kitezheko hiri ikusezina'', ''Elurrezko neskamea'' eta ''Saltan Tsarra''. Musika konposatzeaz gain, orkestra zuzendu eta pianoa jo zuen Rimsky-Korsakovek.

Atsedena ondoren, Donostiako Orfeoiaren txanda izango da. Sergei Rachmaninov musikagile errusiarraren ''Kanpaiak'' obra interpretatuko abesbatzak. Obra honetan koruek berebiziko garrantzia dute. Gainera, hiru ahots izango dira eszenatokiaren gainean: Vasily Ladyuk baritonoa, Georgy Vassiliev tenorea eta Ekaterina Scherbachenko sopranoa.

Gainera, Musika Hamabostaldiaren beste izarretako bat dugu akordeoia. Iñaki Alberdiren kontzertu bat hartuko du Chillida-Leku Museoak arratsaldeko 19:00etan. Bertan, Sofía Gubaidulina musikagilearen pieza garaikideak eta Back musikagilearen ''6. Suite'' obra izango ditugu entzungai.