Musika
II. edizioa
EITBko programazio orokorra aurkezteko prentsauerrea, gaur Gasteizen
Enea Otermin
EITB
EITBko aurpegi ezagun ugari izango dira bertan.
Asteazkenean, irailaren 1ean, FesTVal Vitoria-Gasteizko Irrati eta Telebista Jaialdiaren baitan, EITBko denboraldi berriko programazioa aurkeztuko da goizeko 11:00etan Gasteizko Plaza Berrian. Ekitaldian Alberto Surio EITBko zuzendari nagusiak, Miguel Angel Idigoras ETBko zuzendariak eta Javier Torrontegui EITB Irrati-Taldearen zuzendari-koordinatzailea egongo dira. Horiekin batera, EITBko aurkezle eta aktore ezagunenek parte hartuko dute. Ekitaldi osoa eitb.com-en jarraitzeko aukera izango da.
Ekitaldiaren ondoren, hamaiketakoa eskainiko da David de Jorge ETBko sukaldari ezagunaren eskutik.
Aurkezpen honetaz gain, honako beste ekitaldi hauek eskainiko dira:
- 12:00etan: Daniel Ecijarekin kultur-topaketa Villa Suso Jauregian.
- 12:00etan: Haurrentzako gunea Guridi Zinemetan.
- 17:30ean: Aragon TV-en "Bobinas" saioaren aurkezpena Guridi Zinemetan.
- 19:00etan: La Sextaren "Quién vive ahí" saioaren aurkezpena Guridi Zinemetan.
- 21:30ean: "La princesa de Éboli" saioaren aurkezpena Guridi Zinemetan.
- 23:30ean: Bakarrizketak Alde Zaharrean.
