Musika
Heriotza
Jose Maria Goicoechea konpositore nafarra hil da
AGENTZIAK | ERREDAKZIOA
Beratarra zen, baina Santanderren bizi zen. 93 urte zituela zendu da.
Jose Maria Goicoechea konpositore nafarra hil da 93 urte zituela. Beratarra zen jaiotzez, baina Santanderren bizi zen, eta bertan hil da. XX. mendeko bigarren erdiko pertsona garrantzitsuenetako bat izan zen Nafarroako musikagintzan.
Joseba Asiron Iruñeko alkateak Twitterren duen kontuan adierazi duenez, atzo hil zen azken hamarkadatan Nafarroako konpositore onenetako bat izan dena.
Ayer falleció el padre Goikoetxea, uno de los mejores compositores navarros de las últimas décadas. Mi recuerdo para él. Goian bego.
— Joseba Asiron Saez (@josebaasiron) 14 de julio de 2017
Baluarte Fundazioak ere Jose Maria Goicoechearen lana aitortu du. Nafarroako Orkestra Sinfonikoaren programaren baitan omenaldia egingo dio, haren bi obra interpretatuz. Gainera, bi kontzertu monografiko eskainiko ditu Baluarteko aretoan.
Nafarroako Orkestra Sinfonikoak eta Iruñeko koralak kontzertua eskainiko dute azaroaren 9an eta 10ean, Missa brevis en honor de San Francisco Javier Goicoechearen lana eskainiz.
Bestalde, Jose Maria Goicoechearen musika instrumentalari buruzko bi kontzertu monografiko eskainiko dituzte Baluarten azaroaren 14an eta maiatzaren 22an.
