Zea Maysek emango du konfinamenduaren osteko formatu handiko lehen kontzertua

eitb.eus

Publikatuta: 2020/06/05 11:46 (UTC+2) Azken eguneratzea: 2020/06/05 11:46 (UTC+2)

Datorren astean jakinaraziko dute non izango den aurrez aurreko emanaldia. Talde bilbotarrak 'Hiri Eri' bideoklipa ere aurkeztu du.

Whatsapp
Whatsapp
telegram
twitt
Bidali
Esteka kopiatu

Albisteak (2)

Bideoak (1)

Zea Mays taldearen ''Hiri Eri'' abestiaren bideoklipa ikusgai, eitb.eus-en

Zea Mays izango da konfinamenduaren ostean formatu handiko lehenengo aurrez aurreko kontzertua emango duen taldea Euskal Herrian, EiTBk jakin ahal izan duenez. Ekainaren 12an izango da hori, baina datorren astean iragarriko dute non eta nola.

COVID-19aren pandemiari aurre egiteko neurriengatik zuzeneko emanaldi guztiak bertan behera geratu ostean, ikus-entzuleek gozatu ahal izango duten lehen kontzertu handia izango da. Izan ere, emanaldi txikiren bat egin da azken asteotan, baina ez ikusle ugarirentzat prestatuta.

Bestalde, talde bilbotarrak azaroan kaleratu zuen Atera diskoko bigarren singlearen bideoklipa estreinatu du gaur: 'Hiri Eri'.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.