Publizitatea
Itxi

2020/08/21

18:10

Musika

Koronabirusa

Bertan behera utzi dute urriaren 31n egitekoa zen OrozkoRock 2020 jaialdia

Agentziak | Erredakzioa

Kontzertuak ezingo lituzkete programatutako formatuan egin, COVID-19ak ezarritako murriztapenengatik. Hori dela eta, antolatzaileek bertan behera uztea erabaki dute.

  • Niña Coyote eta Chico Tornado OrozkoRock 2020an egotekoa zen

    Niña Coyote eta Chico Tornado OrozkoRock 2020an egotekoa zen. EiTBren bideo bateko argazkia.

  • Whatsapp
  • Whatsapp
  • Telegram
  • Bidali

Antolatzaileek bertan behera utzi dute urriaren 31n egitekoa zen OrozkoRock 2020 jaialdia. Zazpi banda zeuden kontratatuta jaialdirako: hain zuzen ere, Sua, The Lizards, Toundra, The Riff Truckers, Niña Coyote eta Chico Tornado, Kurkuma eta Eraso!; hala ere, kontzertuak ezingo lituzkete programatutako formatuan egin, COVID-19ak ezarritako murriztapenengatik, eta, beraz, ez dute egingo.

COVID-19ko zoritxarreko krisia nolako bilakaera izaten ari den ikusita, antolatzaileek jakitera eman dute OrozkoRock "ezingo dela egin gustatuko litzaizkigukeen baldintzetan". Hori dela eta, "egun ematen ari diren berragertzeak kontuan izanik, eta sektorearen eta bereziki gure taldearen ziurgabetasunari erreparatuta, ikusten dugu ezinezkoa dela jaialdia egin, hasieran proposatutako formatuan".

Orozkoko herritarren eta musikagintzaren aldetik jasotako babesa eskertuta, ziurtatu dute egoera honek gauza bakarra ekarriko duela: "2021ean inoiz baino indartsuago bueltatuko garela".

Sarrerak itzultzeko, Internet bidez erositakoak automatikoki itzuliko dituzte, eta Orozkotik kanpoko salmenta-puntuetan erositakoak puntu horietan erreklamatu beharko dira. Orozkon erositakoak abuztuaren 28an eta irailaren 5ean itzuliko dituzte, Herriko Plazan, 18:00etatik 21:00etara arte.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.
  • Bisitatuena

      Kargatzen ikusiena
      Kargatzen ikusiena
    ;