Musika
II. edizioa
Kutxa Kultur Jaialdia Igeldon izango da
Gutxienez nazioarteko zortzi talde eta Kutxa Kultur lehiaketan aukeratuko dituzten Gipuzkoako hamar talde arituko dira bertan, irailean.
-
Kutxa Kultur. Argazkia: Kutxa Kultur
Igeldo jolas-parkean, Donostian, izango da Kutxa Kultur Jaialdia, irailean. Aurtengoa musika independentearen bigarren edizioa izango da, eta gutxienez nazioarteko zortzi talde eta Kutxa Kultur musika lehiaketan aukeratuko dituzten Gipuzkoako hamar talde arituko dira bertan.
Irailaren 7a eta 8a izango dira jaialdiaren egunik garrantzitsuenak. Jolas-parkea musika independentearen erakustoki bilakatuko da egun horietan, nazioarteko goi-mailako taldeak izango baitira.
2012ko Kutxa Kultur Jaialdiaren egitarauan komiki eta film laburren lehiaketa bat ere egongo da. Komiki lehiaketan parte hartzeko azken eguna ekainaren 30a izango da. Film laburren lehiaketari dagokionez,, aldiz, parte-hartzaileek 48 ordu izango dituzte (maiatzaren 19tik 21era) 5 minutuko film labur bat egiteko.
