Itxi

2021/11/24

10:50

Musika

Sarrerak, salgai

Iggy Pop mitikoa Donostiako Jazzaldian egongo da

N. V. | EITB Media

Jazzaldiaren antolatzaileek Trinitate plazako eta Kursaal Auditorioko programazio osoa iragarri dute gaur. Detroiteko iguanaz gain, Herbie Hancock, Gregory Porter, Diana Krall eta Amina Claudine Myers arituko dira agertoki horietan.

  • Iggy Popek uztailaren 23an joko du. Argazkia: Rob Baker Ashton

    Iggy Popek uztailaren 23an joko du. Argazkia: Rob Baker Ashton

  • Whatsapp
  • Whatsapp
  • Telegram
  • Bidali

Donostiako Jazzaldiaren antolatzaileek Trinitate plazan eta Kursaalen arituko diren artisten programazioa iragarri dute gaur, asteazkenarekin.

Kursaal Auditorioan bost emanaldi izango dira, guztiak 18:30ean hasita. Lehenak, uztailaren 21ean, Calexico taldea izango du protagonista; Gregory Porter abeslaria arituko da bigarren egunean; uztailaren 23an Iggy Pop mitikoa ikusteko parada egongo da; Yann Tiersenen txanda izango da uztailaren 24an; eta Herbie Hancock handiak itxiko du Kursaaleko programa, uztailaren 25ean.

Trinitate plazan, lau emanaldi bikoitz eskainiko dituzte uztailaren 22tik 25era, guztiak 21:00etan hasita. Miho Hazama eta Hiromi japoniarrek irekiko dute agertoki hori; bigarren jardunaldian, Steve Coleman saxofonistarekin eta Louis Colerekin gozatzeko parada izango da; Amina Claudine Myers eta Kurt Elling abeslarien txanda uztailaren 24an iritsiko da; eta Lakecia Benjamin saxofonista oldartsuak eta Diana Krall izar dirdiratsuak eskainiko dute plazako azken emanaldia, uztailaren 25ean.

Bi agertoki horietan izango diren kontzertuetarako sarrerak eta abonuak salgai daude jada Jazzaldiaren webgunean eta Victoria Eugenia Antzokiko leihatilan.

 

  • Bisitatuena

      Kargatzen ikusiena
      Kargatzen ikusiena
    ;