Musika
Esperimentala
Ezkutuko musikak Alhondigan
Martxoaren 31a bitarte izango da ekitaldia. Pierre Bastien, Reactable, Amparo Badiola & Nick Burge edota Travis musikari eta taldeak egongo dira ikusgai.
AlhondigaBilbaok, arte bizien programaren barnean, bigarren monografikoa aurkeztuko du hilaren 29an: 'The Side Show: Musika Ezkutuan'. Martxoaren 31 bitartean izango da musikaren eta horren eta beste diziplinen arteko harremanei buruzko modulu berezitua.
"The Side Show: Musika Ezkutuan" estatuko eta nazioarteko artisten lana zabaldu eta elkarri erakusteko proposamena da, eta musika du ezkutuko ardatz eta beste diziplina batzuk (performanceak, instalazioak, kontzertuak, ume eta gazteentzako proiektuak, tailerrak, etab.) sartzeko abiapuntu.
"Musika Ezkutuan" ez da musika jaialdi bat, hainbat ikuspuntutatik begiratu beharreko gogoeta bat baizik, musikaren bidez sortzeko gaitasuna esploratzeko.
