Musika
Palmaresa
Ukraniako Credo Abesbatza, Tolosako 44. Abesbatza Lehiaketan irabazle
Erredakzioa
Ukraniako taldeak lau sari lortu ditu: Kutxa Saria, Eusko Jaurlaritzaren Golardoa, beste bat ahots nahasiak-polifonia sailean eta izendapena Europako Abesbatzen Sari Nagusirako.
Tolosako 44. Abesbatza Lehiaketaren palmaresa jakitera eman dute larunbat honetan. Aurtengo edizioan Ukraniako Credo Abesbatza izan da garaile, guztira, lau sari eskuratu dituelako: Kutxa Saria, Eusko Jaurlaritzaren Golardoa euskal abesti baten interpretazio onenari (Lorenzo Ondarraren 'Pater Noster' abestiagatik), ahots nahasiak-polifonia saileko lehen saria, eta ahots nahasiak-folkloreko saileko lehen saria.
Halaber, talde ukraniarrak 2013an Italiano Arezzon izango den Europako Abesbatzen Sari Nagusirako izendapena lortu du.
Ahots nahasiak-polifonia atalean, Frantziako Mikrokosmosek bigarren saria eskuratu du; eta Irlandako New Dublin Voicesek, berriz, hirugarren saria.
Irabazleen zerrenda osoa
AHOTS NAHASIAK-FOLKLOREA
LEHENENGO SARIA: CREDO ABESBATZA, Ukraina
BIGARREN SARIA: MIKROKOSMOS, Frantzia
HIRUGARREN SARIA: UNIVERSITY OF THE VISAYAS CHORALE, Filipinak
AHOTS TALDEAK- MUSIKA ERLIJIOSOA
LEHENENGO SARIA: THE ROSE ENSEMBLE, Estatu Batuak
BIGARREN SARIA: DAARLER VOCAL CONSORT, Alemania
HIRUGARREN SARIA EXAEQUO: LATVIAN VOICES, Letonia eta ENSEMBLE QUARTONAL, Alemania
AHOTS TALDEAK- MUSIKA PROFANOA
LEHENENGO SARIA: THE ROSE ENSEMBLE, Estatu Batuak
BIGARREN SARIA: LATVIAN VOICES, Letonia
HIRUGARREN SARIA: ENSEMBLE QUARTONAL, Alemania
