Publizitatea
Itxi

2013/05/09

16:39

kultura

Ikuskizuna

Cirque du Soleileko karpa ireki dute, artisten zain

'Kooza' ikuskizuna maiatzaren 15ean estreinatuko dute Bizkaiko hiriburuan eta ekainaren 16ra arte izango da ikusgai.

  • Whatsapp
  • Whatsapp
  • Telegram
  • Bidali

Cirque du Soleil konpainiaren "Kooza" ikuskizuna martxan da, bere karpa handia Bilboko Zorrotzaurren jarri ostean. David Shinerek sorturiko eta zuzenduriko ikuskizuna datorren asteazkenean estreinatuko dute Bilbon, eta ekainaren 16ra arte izango da ikusgai.

Bederatzi egun behar dira zirkua muntatzeko eta beste hiru desmuntatzeko. Bilboko eguraldiak ez du muntaia erraztu eta teknikariek zailtasunak izan dituzte karpa igotzeko.

Zirku konpainiako iturriek jakinarazi dutenez, 'Grand Chapiteau' edo karpa handiak 51 metroko diametroa eta 17 metroko altuera du. 25 metroko altuera duten altzairuzko lau mastaren gainean finkatzen da. 550 hesola baino gehiago behar dira karpa sendo eusteko, 4.500 metro koadroko asfaltoaren gainean. 'Grand Chapiteau'k 2.600 ikusle har ditzake.

"Gurpil gaineko hiri" bat da, eta txarteldegiak, bulegoak, eskola propio bat eta pertsonal osoari janari-zerbitzua ematen dion sukaldea barne hartzen ditu. Halaber, 500 kw-ko lau sorgailuk karparentzat eta azpiegiturentzat beharrezkoa den elektrizitatea hornitzen dute. 'Grand Chapiteau', 'VIP Rouge' karpa eta karpa artistikoa klimatizazio sistemez hornituta daude, eta 70 kamioi behar dira ekipoaren 1.000 tona baino gehiago garraiatzeko. Bestalde, 'Grand Chapiteau'-ren aurrean kokatuta, txarteldegiak ere Cirque du Soleilen gurpil gaineko hiriaren zati dira.

Datorren asteazkenetik aurrera, 18:30etik 20:30era, "Kooza" ikuskizunaren sarrerak gunean egongo dira salgai. Txarteldegiak ikuskizuna hasi baino bi ordu lehenago eta ikuskizuna hasi eta gero 30 minutu egongo dira irekita.

  • Hau zure interesekoa bada, baliteke beste gai hauek ere izatea:
  • Bisitatuena

      Kargatzen ikusiena
      Kargatzen ikusiena
    ;