Publizitatea
Itxi

2014/07/05

16:05

kultura

Donostian

Tabakalera egitasmoa aurkeztu dute, 'artistentzako aterpea'

Erredakzioa

Zentroaren inaugurazioa 2015ean egingo dute; Gipuzkoako kulturaren ardatz nagusienetakoa izango da.

1:27
tabakalera
  • Whatsapp
  • Whatsapp
  • Telegram
  • Bidali

2015eko udan irekiko dute Donostian Tabakalera. Gipuzkoako kulturaren ardatz nagusienetakoa izango da, bertako eta atzerriko artistentzako "aterpea eta leihatea", alde batetik, eta hiritarrek ikasteko eta esperimentatzeko tokia ere bai.

Larunbatean Egia auzoan dagoen eraikina (tabakoen lantegi zaharra), eraberritzen ari direna, prentsarentzat ireki dute, Garaikideko Kultura Nazioarteko Zentroa izango den proiektua aurkezteko. Uztailean eta abuztuan zehar irekiko ditu bere guneak. Ane Rodriguez zuzendari kulturalak azaldu du, eraikinetik egindako bisita hasi aurretik. Bost solairu eta 37.000 metro koadro ditu, eta Euskadiko Filmategia eta Etxepare Institutua bertan egongo dira.

Zinemaldiak ere bulegoak izango ditu lehen eta bigarren solairuan; Kutxa Fundazioak hirugarrena hartuko du, osorik, eta lehenean eta sotoan ere izango ditu gune batzuk. Sotoan, halaber, kafetegia egongo da –TBKafe- eta Filmategiaren gordailua jarriko dituzte. Filmategiak lehen solairuan izango ditu bere bulegoak eta Tabakalerarekin batera prestatuko du beheko solairuan izango den zinema-aretoaren programazioa. 220 eserleku izango ditu eta artxiboko emanaldiak eta zinema-hizkuntza berriak tartekatuko dituzte.

Sormena, hausnarketa eta erakusketa

"Proiektu guztiak zeharkakoak izatea, arloen arteko bizikidetasuna eta euren arteko gurutzeak; horiek izango dira programazioaren ardatzak. Sormena, hausnarketa eta erakusketa tartekatuko ditugu", esan du Rodriguezek. Gipuzkoako artistak eta eragile kulturalak babestea izango da helburua; horretarako, bertako baliabideak nazioartekoetan sartzeko laguntza ematen saiatuko dira, eta herritarrek hizkuntza eta narratiba artistikoetara gerturatzeko aukera izango dute.

Horretarako, zinema-aretoa, erakusketa-gela bat eta areto polibalente bat ere izango du zentroak (kontzertuak egingo dituzte areto polibalente horretan). Tabakalerak sortzaileen bizilekuak sustatu nahi ditu eta horretarako bigarren solairuan baliabide teknikoak eta erabilpen anitzeko areto bat ere egongo da. Bertan egongo da Garaikideko Kultura Nazioarteko Zentroa eta mintegiak eta tailerrak egingo dituzte hor.

Lanak "ondo" doaz

Ane Rodriguezek azaldu duenez, zentroko ostatu horiek ez dira turismoari zuzenduak izango, baizik eta artistentzakoak, Talent Housek ikertzaileek jasotzen dituen bezala. Hala ere, esan du egitasmo hori bideragarritasun ekonomikoaren batera joan behar dela, inbertsio bat behar du eta.

Rodriguezek esan du lanak "ondo" doazela, zentroa 2015eko udan zabaldu ahal izateko, eta zehaztu du irekiera laupabost ekitaldi desberdinetan egingo dutela. Uztailean erakusketa bat egin nahi dute, hilaren amaieran mediateka zabaltzea da asmoa, eta abuztuaren amaieran laborategiak zabaltzea dute aurreikusita. “Oraingoz, horraino ahal dut irakurri”, esan du.

  • Bisitatuena

      Kargatzen ikusiena
      Kargatzen ikusiena