Itxi

kultura

Trailerra

Bilbo inoiz baino distiratsuago 'Matrix'en zuzendarien lan berrian

Eider Garaikoetxea | eitb.eus

Guggenheim museoa eta Zubizuri argi eta garbi ikus daitezke 'Jupiter ascending' pelikularen trailerretan.

Bilboko itsasadarra, Guggenheim museoa eta Salveko zubia, denak ere lainopean. Irudi ikusgarri hau argi eta garbi ikus daiteke Wachoski anai-arreben film berrian: Jupiter ascending. Pelikularen aurreneko bi trailerrak Interneten zintzilikatu dituzte jada.

Zuzendari estatubatuarrak maiatzean izan ziren Bizkaiko hiriburuan filmatzen. Lau hilabeteren buruan ikusi ahal izan dugu hiru grabazio-egun horien emaitza, atzo eskegi baitzituzten trailerrak Youtuben.

Bideoek dirauten bi minutu eta erdian, Bilbo inoiz ez bezalako distirarekin ageri da 17. segundoan eta 01:37 minutuan. Lehenengoan, lainopean ikusten da Bizkaiko hiriburuko itsasadarra; bigarrenean, Zubizuri eta Guggenheim museoa ageri dira, borroka odoltsu baten ostean, hondakinen artean.

Dena dela, pelikula estreinatu arte, otsailera arte, itxaron beharko da Bilbon grabatutako irudi gehiago ikusteko.

 

  • Bisitatuena

      Kargatzen ikusiena
      Kargatzen ikusiena