Publizitatea
Itxi

2015/08/20

15:14

kultura

Torrentejo aztarnategia

4.000 urteko zeramikak aurkitu dituzte Bastidako aztarnategi batean

Agentziak | Erredakzioa

Horrez gain, harkaitzean hondeatutako nekropoli bat eta XI. mendeko eraikuntza bat ere topatu dituzte.

  • Whatsapp
  • Whatsapp
  • Telegram
  • Bidali

Euskal Herriko Unibertsitateko ikerlariek uda honetan egindako indusketek Bastidan (Araba) dagoen Torrentejo aztarnategian 4.000 urte dituzten zeramika-lanak topatzea ahalbidetu dute. Horrez gain, harkaitzean hondeatutako nekropoli bat eta XI. mendeko eraikuntza bat ere aurkitu dituzte.

Juan Antonio Quiros irakasleak zuzendutako Euskal Herriko Unibertsitateko Kultura Paisaien eta Ondarearen Ikertaldeak gaur eman ditu jakitera Torrentejo aztarnategian egiten ari diren indusketa arkeologikoen bigarren kanpainako aurkikuntzak.

Horrela, bada, espero ez zen Kalkolitoko eta Behe Brontze Aroko okupazio garrantzitsu bat aurkitu dute, K.a. 2000. urte ingurukoa izan daitekeena, hau da, duela 4.000 bat urtekoa. Zehazkiago, Kalkolitoko buztinki apainduen multzo garrantzitsua aurkitu dute (Ciempozuelos estilokoa).

Horrez gain, Goi Erdi Aroko elizaren iparraldean haitzean zulatutako nekropoli antropomorfo garrantzitsu bat ere aurkitu dute.

Horrez gain, Tarteko Erdi Aroan eta Behe Erdi Aroan erabili zen XI. mendeko etxe garrantzitsu baten aztarnak aurkitu dituzte elizaren hegoaldean. Quirós irakaslearen esanetan, oraindik goiz da eraikinaren funtzionaltasuna eta kronologia zehazteko, baina badirudi dokumentazioan jasota dauden jauregi aristokratikoetako bat izan daitekeela.

Horrenbestez, baieztatu egin da Torrentejo oso leku garrantzitsua dela honako hauek aztertzeko: Goi Erdi Aroko herrixken osaera prozesuak, jaunen botereen osaera prozesua eta Nafarroako monarkiaren finkapena Errioxako eremuan, herrixkak hustu eta populazioa herrigune nagusietara (kasu honetan, Bastidara) joateko prozesuak eta garai modernoko aldaketak.

  • Hau zure interesekoa bada, baliteke beste gai hauek ere izatea:
  • Kultura
  • Bisitatuena

      Kargatzen ikusiena
      Kargatzen ikusiena